le chemin des dames (andria nobili)

Le chemin des dames

Vecu un pratu sott’à u sole

È tanti panni tesi nantu

Un acellu piglia u so volu

È n’aghju lu mio core frantu

Culà l’ochji spenti Miola sunnieghja

Culà u moi estru corre è a fideghja

Culà ci s’hè firmata la mio vita

Vecu un pagliaghju fumichendu

Compulu à l’ora di a munta

È a mio memoria s’accende

Pè un pizzacciu di pane untu

Culà Francescu Antone zappa l’ortu

Culà vecu ballà e barche in portu

Culà ci s’hè firmata la mio vita

Vecu una scola è un tavulone

Sentu mughjà mille zitelli

È di babbone tante canzone

Mi danu u fretu à a pella.

Culà Fasgianu trascina duie legne

Culà sentu u moi paese pienghje

Culà ci s’hè firmata la mio vita

Vecu una ghjesgia sott’à l’invernu

Dui tizzoni è un casgile

A piaghja cutrata è inferma

Ch’aspetta u mese d’Aprile

Culà sentu u ventu frà i pini

Culà di Roccu sentu u viulinu

Culà ci s’hè firmata la mio vita

Vecu un chjarasgione fiuritu

È sentu fiscà i pastori

È tanti mumenti felici

L’aghju inchjudati in lu mio core

Culà vecu a neve pè i chjassi

Culà sempre voltenu I mio passi

Culà ci s’hè firmata a mio vita